25 Октябрь 2020

00:00:00 (GMT+5)

Тошкент +16,5 °C

Ҳукумат
26 Дек  2019 3084
Ўзбекистон Республикаси Президентининг матбуот хизмати

Алоқа бўйича ҳарбий мутахассисларни тайёрлашнинг кенг кўламли тизими яратилади

Ўзбекистон Республикаси Президенти Шавкат Мирзиёев 26 декабрь куни Ахборот-коммуникация технологиялари ва алоқа ҳарбий институти ҳамда Тошкент вилояти Зангиота туманидаги ҳарбий қисмга ташриф буюрди.

Давлатимиз раҳбари, Қуролли Кучлар Олий Бош қўмондони томонидан берилган топшириққа мувофиқ, Ахборот-коммуникация технологиялари ва алоқа ҳарбий институти ҳамда ҳарбий қисм қайта ташкил этилиб, янги замонавий ҳарбий шаҳарчада жойлаштирилган эди.

Президент бу ердаги шароитлар, ўқув-тарбия жараёни, замонавий таълим воситалари, шунингдек,  ахборот-коммуникация технологиялари қай даражада жорий этилгани билан танишди.

Ташриф чоғида ҳарбий хизматчилар, вазирлик ва идоралар, Ўзбекистон Фанлар академияси раҳбарияти, техника йўналишидаги етакчи олий таълим муассасалари ректорлари билан суҳбат бўлиб ўтди. Ҳарбий таълимни ривожлантириш, алоқа бўйича ҳарбий мутахассисларни саралаш ва тайёрлашнинг кенг кўламли тизимини йўлга қўйиш борасида амалга оширилиши лозим бўлган навбатдаги чоралар белгилаб олинди.

Давлатимиз раҳбарига ҳарбий қисмда амалга оширилган қурилиш ишлари, мудофаа тизимида алоқа тармоқларини модернизация қилиш, жанговар ва ўқув тайёргарлик жараёнларини автоматлаштириш бўйича лойиҳалар тўғрисида маълумот берилди.

Шавкат Мирзиёев ҳарбий қисм ихтиёридаги махсус техника ва алоқа воситаларининг намуналари билан танишди.

Tashrif chogʻida harbiy xizmatchilar, vazirlik va idoralar, Fanlar akademiyasi rahbariyati, texnika yoʻnalishidagi yetakchi oliy taʼlim muassasalari rektorlari bilan suhbat boʻlib oʻtdi. Unda harbiy taʼlimni rivojlantirish, harbiy aloqa mutaxassislarini saralash va tayyorlash boʻyicha keng tizimni yoʻlga qoʻyish borasida oʻzaro hamkorlikda amalga oshirilishi lozim boʻlgan navbatdagi choralar belgilab olindi. 
 
Bugungi axborot asrida tezkor xabar almashuv, ayniqsa, harbiylar uchun gʻoyat muhim ahamiyatga egaligi, bu tizimni zamonaviy axborot-kommunikatsiya texnologiyalari bilan taʼminlash, aloqa xavfsizligini chuqur egallagan mutaxassislar tayyorlash ishlarini doimiy shakllantirib borish zarurligi taʼkidlandi. 
 
- Bugun aloqa sohasini rivojlantirish boʻyicha bir yil oldin boshlagan ishlarimizning ilk natijalarini koʻrib turibmiz,- dedi davlatimiz rahbari.- Aloqa boʻyicha birinchi institutimiz tashkil etildi. Soha boʻyicha harbiy qism bilan bir joyda joylashgani kursantlarning nazariy mashgʻulotlarni amaliyot bilan uygʻun oʻtkazishida qoʻl keladi. Endi eʼtiborni sifatga qaratishimiz lozim. 
 
Bundan tashqari, davlatimiz rahbariga harbiy qismda amalga oshirilgan qurilish ishlari, mudofaa tizimida aloqa tarmoqlarini modernizatsiya qilish, jangovar va oʻquv tayyorgarlik jarayonlarini avtomatlashtirish boʻyicha loyihalar toʻgʻrisida maʼlumot berildi, harbiy qism foydalanishida boʻlgan maxsus texnika va aloqa vositalarining namunalari namoyish etildi. 
 
Harbiylarning yashash sharoitini yaxshilash, ularni uy-joy bilan taʼminlash ishlarini yanada jadallashtirish zarurligi qayd etildi. Buning uchun joylarda tashkil etilgan harbiy-maʼmuriy sektorlar faoliyatini takomillashtirish lozimligi taʼkidlandi.

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech