11 Декабрь 2019

00:00:00 (GMT+5)

Тошкент +8,8 °C

Хавфсизлик
22 Ноя  2019 469

Самарқандда қўлбола алкоголь маҳсулотлари ишлаб чиқараётган цех фош этилди

Бош прокуратура ҳузуридаги Департаментнинг Самарқанд шаҳар бўлими томонидан ўтказилган тезкор тадбирда, фуқаро Ф.Г. яширин цех ташкил қилиб, қўлбола усулда тайёрланган қалбаки акциз маркалар билан елимланган ароқ маҳсулотларини бошқа фуқарога сотаётган вақтида ушланди, деб хабар қилади бош прокуратура матбуот хизмати.

Тадбирда, Ф.Г.нинг яширин цехидан қўлбола усулда тайёрланган истеъмолчиларнинг ҳаёти ва соғлиғи талабига жавоб бермайдиган 0,5 ҳажмли “TROYKA” “FILATOFF”, “МЕДОВАЯ” номли ва 34 дона 1,5 литр ҳажмли елим идишлардаги спиртли ичимликлар ҳамда “КОНЬЯК” алкоголь маҳсулотлари ва бир хил рақамли қалбаки акциз маркалар ашёвий далил сифатида олинган.

Мазкур ҳолат юзасидан ЖКнинг 176 ва 186-моддалари билан жиноят иши қўзғатилиб, терговга ҳаракатлари ўтказилмоқда.

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech