11 Август 2020

00:00:00 (GMT+5)

Тошкент +22,6 °C

Мамлакатимизда
10 Июл  2020 431

«Ўзкимёсаноат» АЖнинг 12 та активи аукцион савдоларига қўйилади

2020 йил 9 июлда Ҳукуматнинг 432-сонли «Ўзкимёсаноат» АЖ таркибидаги ташкилотларнинг активларидан самарали фойдаланиш ҳамда молиявий ҳолатини соғломлаштириш бўйича қўшимча чора-тадбирлар тўғрисида»ги қарори қабул қилинди.

 

Қарор билан «Ўзкимёсаноат» АЖ таркибидаги ташкилотларга қарашли бўлган бўш турган, фойдаланилмаётган ва тармоқнинг асосий фаолият турига боғлиқ бўлмаган активларидан самарали фойдаланиш мақсадида:

- оммавий савдоларда сотиладиган активлар (кўчмас мулк объектлари) рўйхати;

- давлат ва ҳокимият органларига давлат мулки сифатида баланс қийматида бериладиган активларнинг рўйхати тасдиқланди.

Унга кўра, оммавий савдоларда сотиладиган 12 та, давлат ва ҳокимият органларига давлат мулки сифатида бериладиган 3 та актив белгиланди.

Оммавий савдоларда сотиладиган активлар «E-IJRO AUKSION»да бошланғич нархи уларнинг баланс ва (ёки) номинал қийматида, агар баланс қиймати «ноль»га тенг бўлган тақдирда, шартли «1 сўм» этиб белгиланади.

Шунингдек, қарор билан давлат ва ҳокимият органларига давлат мулки сифатида баланс қийматида бериладиган активлар бўйича ҳар қандай харажатларнинг кимё корхоналари томонидан амалга оширилиши ман этилди, деб хабар беради Адлия вазирлиги матбуот хизмати.

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech