25 Октябрь 2020

00:00:00 (GMT+5)

Тошкент +17,2 °C

Таълим
18 Мар  2020 1558

Мактабларда қоғоз шаклдаги кундалик бекор қилинади

2020 йил 17 мартда Ўзбекистон Республикаси Президентининг ПҚ-4642-сонли  «Тошкент шаҳрида рақамли технологияларни кенг жорий этиш чора-тадбирлари тўғрисида» қарори қабул қилинди.

Қарорга мувофиқ, «Рақамли Тошкент» комплекс дастури амалга оширилади.

Шаҳар хизматларини бошқариш, ижтимоий соҳа объектлари, ишлаб чиқариш, йўл транспорт ва коммунал инфратузилманинг интеграциялашган ахборот муҳитини яратиш ва кейинчалик муваффақиятли тажрибани республиканинг бошқа ҳудудларида татбиқ этиш Дастурнинг асосий вазифаси этиб белгиланди.

Дастурга асосан, 2020 йилда:

-1 майгача авиа, темир йўл ва бошқа транспорт хизматларига электрон чипталарни онлайн сотиб олиш ягона ахборот тизими жорий этилади;

-1 сентябргача барча мактабларда журнал ва ўқувчиларнинг кундаликларини қоғоз шаклида юритиш бекор қилинади ҳамда уларни электрон тарзда юритишга мўлжалланган ягона ахборот тизими ишга туширилади;

- 1 ноябргача коммунал хизматлар бўйича тўловларни онлайн тўлаш ҳамда коммунал хизмат кўрсатувчи ташкилотлар билан электрон ҳамкорликни таъминловчи «Менинг уйим» ягона ахборот тизими жорий этилади;

-1 декабргача «Ягона электрон тиббий карта» ахборот тизими жорий этилади ва «Электрон поликлиника» ахборот тизимига 62 та оилавий поликлиника уланади, деб хабар беради Адлия вазирлиги матбуот хизмати.

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech