04 Июнь 2020

00:00:00 (GMT+5)

Тошкент +32,4 °C

Таълим
18 Апр  2020 1019

Филиал мустақил институтга айланди

2020 йил 17 апрелда Ўзбекистон Республикаси Президентининг ПҚ-4681-сонли «Сурхондарё вилоятида юқори малакали кадрлар тайёрлаш тизимини кенгайтириш ва янада такомиллаштириш чора-тадбирлари тўғрисида»ги қарори қабул қилинди.

Қарорга мувофиқ, Термиз давлат университети Денов филиали негизида Самарқанд давлат университетининг Денов тадбиркорлик ва педагогика институти ташкил этилди.

Институт юридик шахс мақомига эга бўлган давлат олий таълим муассасаси ҳисобланиб, Олий ва ўрта махсус таълим вазирлиги тизимига киради.

Институтнинг таълим фаолияти 2020/2021 ўқув йилидан бошланади.

Қарорга кўра, институт профессор ўқитувчилари ва ходимларига меҳнатга ҳақ тўлашда тариф коэффициентлари ва базавий лавозим маошлари 1,5 баравар миқдорда ҳисобланади.

Қарор билан институт Васийлик кенгаши таркиби тасдиқланди.

Самарқанд давлат университети зиммасига институтни оталиққа олиш вазифаси юкланди, деб хабар беради Адлия вазирлиги матбуот хизмати.

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech