22 Май 2019

00:00:00 (GMT+5)

Тошкент +20,5 °C

Спорт
11 Апр  2019 523

Баҳодир Жалолов профессионал боксдаги олтинчи жангида ҳам муддатидан аввал ғалаба қозонди

Ҳамюртимиз Баҳодир Жалолов профессионал боксдаги олтинчи жангини ўтказди, деб хабар қилмоқда МОҚ матбуот хизмати.

 

АҚШнинг Нью-Йорк штатида “NABF Junior Heavyweight Title” титул камари учун кечган баҳсда вакилимиз ўз устунлигини намойиш қилиб, якунда ҳам чиройли ғалабани тантана қилди.

Америкалик Брендан Барретга қарши рингга кўтарилган Баҳодир жанг тўлиқ якунига етмасдан, аниқроғи, биринчи раунднинг ўзида рақибини нокаутга учратди. Таъкидлаш жоиз, жанг санасига бир кун қолганда рақиб ўзгарган эди. Бироқ бу ҳолат юртдошимизга сира ҳалал бермади.

Шу тариқа юртдошимиз ўзининг олтинчи жангини ҳам муддатидан аввал якунлаб, “NABF Junior Heavyweight Title” титул камарини қўлга киритиш билан бирга супер оғир вазн тоифасининг рейтингида янада юқори поғонага кўтариладиган бўлди.

Энди боксчимиз 16-27 апрель кунлари Таиландда бўлиб ўтадиган Осиё чемпионатида иштирок этиш учун терма жамоа ихтиёрига қўшилади.

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech