11 Декабрь 2019

00:00:00 (GMT+5)

Тошкент +8,9 °C

Энергетика
11 Ноя  2019 819

25 нафар истеъмолчи ноқонуний улангани учун энергия тармоғидан ажратилди

“Ўзэнергоинспекция” томонидан электр энергиясидан ноқонуний фойдаланишларни аниқлаш мақсадида жойларда ўрганишлар ўтказилди, деб хабар қилади Энергетика вазирлиги матбуот хизмати.

Ўтказилган ўрганишлар давомида жами 26 та истеъмолчилар томонидан электр энергиясидан фойдаланишда қоидабузарликларга йўл қўйилганлиги аниқланди. Етказилган зарар бўйича 406,2 млн. сўмлик электр энергияси қайта ҳисоб-китоб қилинди.

Хусусан, Андижон вилояти, Асака туманида жойлашган “Олтин водий гиламлари” МЧЖ ва Қашқадарё вилояти, Қарши шаҳар Ободонлаштириш бошқармаси томонидан электр энергиясидан ноқонуний фойдаланиш натижасида энергетика тизимига 372,8 млн. сўмлик зарар етказилган.

Шуни таъкидлаш жоизки, ўтказилган ўрганишлар натижасида электр энергиясидан ноқонуний фойдаланган 25 нафар истеъмолчиларнинг электр қурилмалари тармоқдан ажратилди.

Электр энергиясидан фойдаланиш қоидаларига риоя қилиш бўйича чора-тадбирлар давом этмоқда.

 

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech