24 Август 2019

00:00:00 (GMT+5)

Тошкент +18,6 °C

Хавфсизлик
7 Фев  2019 1636

130 миллион сўмликдан зиёд электрон сигаретлар фош этилди

Тошкент шаҳар божхона бошқармасининг “Келес” темир йўл чегара божхона пости ҳамда Контрабанда ва божхона қонунчилиги бузилишига қарши курашиш бўлими ходимлари томонидан “Москва–Андижон” йўналишидаги ҳалқаро қатнов поездида йўловчиларнинг юклари божхона назоратидан ўтказилганида умумий қиймати 182,3 миллион сўмлик сифати кафолатланмаган товар-моддий бойликларни қонунга хилоф равишда олиб ўтилишига чек қўйилди.

Давлат божхона қўмитаси матбуот хизматининг маълум қилишича, поезд йўловчилари Л.Қ.ва Б.Б.лар умумий қиймати 130,5 миллион сўмлик 2630 қути электрон сигаретларни вагон купеларининг иситиш мосламалари орасида яшириб олиб келаётганлиги фош этилди.

Яна бир ҳолатда, йўловчи Н.Н. умумий қиймати 51,8 миллион сўмлик 8 турдаги парфюмерия ва дори воситаларини божхона назоратидан яшириб мамлакатимизга олиб келаётганлиги маълум бўлди.

Юқоридаги ҳолатлар бўйича товар-моддий бойликлар ҳуқуқбузарлик ашёси тариқасида олиб қўйилиб, текширув ҳаракатлари давом эттирилмоқда.

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech