12 Avgust 2020

00:00:00 (GMT+5)

Toshkent +32,8 °C

Tashvishli xabar
27 Fevral  2020 3277

O‘zbekiston Respublikasi Ichki ishlar vazirligi ogohlantiradi!

Bugun internet tarmog‘i orqali noto‘g‘ri va noxolis axborot tarqatilayapti.

Shuningdek g‘arazli niyatlarni ko‘zlab turli kiberhujumlar, firibgarliklar sodir etilayotgani ham ayni haqiqatdir.

So‘nggi paytlarda fuqarolarimiz tomonidan pornografik foto va video mahsulotlarni targ‘ib qiluvchi internet resurslaridan foydalanish jarayonida boshqa shu kabi resurslarga avtomatik tarzda o‘tib ketish orqali «O‘zbekiston Respublikasi IIV Kiberjinoyatlarga qarshi kurash bo‘limidan bildirishnoma» sarlavhasi ostida sizib chiquvchi oynada foydalanuvchining taqiqlangan saytlarga kirgani sababli go‘yoki IIV tomonidan u 200 000 so‘m (ayrim hollarda 300 000 so‘m) miqdorida jarimaga tortilgani va «Webmoney» elektron to‘lov tizimi orqali davlat hisobiga to‘lovni amalga oshirilishi lozimligi, aks holda qurilmada saqlangan kontaktlarga foydalanuvchining pornografik foto va video mahsulotlar joylashtirilgan internet resurslaridan foydalangani haqida hodisa bayoni hamda foydalanuvchiga jarimani to‘lashi talabi bilan SMS xabar yuborilishi haqida ma’lumot paydo bo‘lmoqda. Shu bilan birga, foydalanuvchilarning internet veb brauzeri blokirovka holatiga tushib qolmoqda.

Ta’kidlab o‘tilgan holatlar yuzasidan quyidagilarni ma’lum qilamiz:

– O‘zbekiston Respublikasi Ichki ishlar vazirligi tarkibida «Kiberjinoyatlarga qarshi kurash bo‘limi» nomi bilan faoliyat yurituvchi bo‘lim yoki bo‘linma mavjud emas;

– «Webmoney» to‘lov tizimida O‘zbekiston Respublikasi IIV tarkibiy va hududiy tuzilmalari elektron hamyonlariga ega emas, deb xabar beradi IIV matbuot xizmati. Shuningdek, yuqorida ta’kidlab o‘tilgan holatlar yuzasidan surishtiruv ishlari olib borilayotganligini ma’lum qiladi.

O‘z o‘rnida huquq posbonlari fuqarolarimizni internet tarmog‘idan foydalanayotganda bu kabi salbiy holatlarga duch kelmasligi uchun firibgarlarning aldoviga ishonib qolmaslikka chaqiradi.

O‘xshash yangiliklar

Belgilangan matnni tinglash uchun quyidagi tugmani bosing Powered by GSpeech