23 Avgust 2019

00:00:00 (GMT+5)

Toshkent +27,2 °C

Hukumat
20 Yanvar  2019 2320

Prezident Shavkat Mirziyoyev Berlinga keldi

Oʻzbekiston Respublikasi Prezidenti Shavkat Mirziyoyev 20 yanvar kuni rasmiy tashrif bilan Germaniya poytaxti Berlin shahriga keldi. Bu haqida prezident matbuot xizmati xabar bermoqda.
Tegel xalqaro aeroportida oliy martabali mehmon sharafiga faxriy qorovul saf tortdi. Davlatimiz rahbarini Germaniya rasmiy shaxslari kutib oldi.
Tashrifning asosiy tadbirlari 21 yanvarga moʻljallangan. Prezident Shavkat Mirziyoyev Berlinda Federal Prezident Frank-Valter Shtaynmayer, Federal kansler Angela Merkel va Bundestag Raisi Volfgang Shoyble bilan uchrashuvlar oʻtkazadi.
Muzokaralarda Oʻzbekiston bilan Germaniya oʻrtasidagi siyosiy muloqotni mustahkamlash, savdo-iqtisodiy, investitsiyaviy va moliyaviy hamkorlikni rivojlantirish, madaniy-gumanitar, fan-taʼlim va turizm sohalaridagi aloqalarni faollashtirish kabi masalalarni muhokama qilish koʻzda tutilgan.
 

O‘xshash yangiliklar

Belgilangan matnni tinglash uchun quyidagi tugmani bosing Powered by GSpeech