14 Dekabr 2019

00:00:00 (GMT+5)

Toshkent -0,4 °C

Hukumat
26 Iyul  2019 993
O‘zbekiston Respublikasi Prezidentining matbuot xizmati

Minnatdorlik

Tavallud kunim munosabati bilan chin dildan tabriklab, samimiy qutlov va ezgu tilaklarini yo‘llagan davlat va hukumat rahbarlari, xorijiy siyosat va jamoat arboblari, xalqaro tashkilotlar rahbarlari, ishbilarmon doiralar vakillari, yurtimizdagi mahallalar va mehnat jamoalari, turli kasb egalari bo‘lgan barcha vatandoshlarimizga chuqur minnatdorlik izhor etaman.

Mening sha’nimga bildirilgan bu iliq tabrik va tilaklarni, avvalo, ko‘pmillatli O‘zbekiston xalqi va davlatiga yuksak ehtirom ifodasi, mamlakatimizning dunyo miqyosida ortib borayotgan obro‘-e’tibori va nufuzining yana bir e'tirofi sifatida qabul qilaman. 

Fursatdan foydalanib, mehnatkash, mard va olijanob xalqimizga chin yurakdan o‘zimning cheksiz mehr-muhabbatimni va hurmatimni bildiraman.

Biz xalqimiz bilan birgalikda jonajon O‘zbekistonimiz ravnaqi va el-yurtimiz farovonligiga erishish bo‘yicha oldimizga qo‘ygan ulkan va sharafli maqsadlarga albatta yetamiz, deb ishonaman.                                   

                                                                                                                                      

                                                                               Shavkat Mirziyoyev,

                                                                              O‘zbekiston Respublikasi Prezidenti

 

O‘xshash yangiliklar

Belgilangan matnni tinglash uchun quyidagi tugmani bosing Powered by GSpeech