01 Iyun 2020

00:00:00 (GMT+5)

Toshkent +34,9 °C

Xavfsizlik
5 May  2020 1095

Mastlik qotillikmi

Urgutda mast holdagi haydovchi 2 nafar yo‘lovchi hayotiga zomin bo‘ldi.

2020-yil 4-may soat 19:30 da Urgut tumani «Tinchlik» mahallasi hududidan o‘tuvchi A-377 avtomobil yo‘lining 33 kilometrida mudhish voqyea sodir etildi.

27 yoshli haydovchi mast holatda «VAZ-2106» rusumli avtomashinasini Samarqand tomondan Tojikiston Respublikasi yo‘nalishi tomonga qarab boshqarib kelayotgan vaqtida, o‘ziga nisbatan qarama-qarshi yo‘nalishdan harakatlanib kelayotgan 29 yoshli haydovchining boshqaruvidagi «Gaz-5327» rusumli yuk avtomashinasining o‘ng yon tomoniga urib, yo‘l transport hodisasi sodir etgan.

To‘qnashuv natijasida «Gaz-5327» rusumli yuk avtomashina yo‘lovchilari (haydovchining 22 yoshli turmush o‘rtog‘i va 2 yoshli farzandi) og‘ir tan jarohati olib hodisa joyida vafot etganlar.

Holat yuzasidan Samarqand viloyati IIB huzuridagi Tergov boshqarmasi tomonidan O‘zbekiston Respublikasi Jinoyat kodeksining 266-moddasi 3-qismi «a» bandi (odamlar o‘limiga olib kelgan Transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan, deb xabar beradi IIV huzuridagi Tergov departamenti.

O‘xshash yangiliklar

Belgilangan matnni tinglash uchun quyidagi tugmani bosing Powered by GSpeech