23 Aprel 2019

00:00:00 (GMT+5)

Toshkent +10 °C

Mamlakatimizda
29 Mart  2019 603

Bozorda go‘sht va sut narxini barqarorligini ta’minlash choralari belgilandi

O‘zbekiston Respublikasi Veterinariya va chorvachilikni rivojlantirish davlat qo‘mitasi faoliyatini tashkil etish to‘g‘risidagi Prezident qarori (PQ-4254, 28.03.2019 y.) qabul qilindi.

 

Qaror bilan Qo‘mita va uning tarkibiga kiruvchi tashkilotlarning tashkiliy tuzilmalari tasdiqlandi, deb xabar bermoqda “Huquqiy axborot” kanali.

Qo‘mita raisi Bosh vazir taqdimiga binoan Prezident tomonidan lavozimga tayinlanadi va ozod etiladi.

“O‘zbekchorvanasl” Agentligi bosh direktori lavozimiga ko‘ra qo‘mita raisining o‘rinbosari hisoblanadi.

Qo‘mita raisi Bosh davlat veterinariya inspektori, uning o‘rinbosarlari Bosh davlat veterinariya inspektorining o‘rinbosarlari, Davlat veterinariya nazorati boshqarmasi veterinar mutaxassislari davlat veterinariya inspektorlari hisoblanadi.

Qishloq xo‘jaligi vazirligining “O‘ZNASLCHILIK” va “O‘zzoovetta'minotxizmat” davlat korxonalari “O‘zbekchorvanasl” Agentligi tarkibiga o‘tkazildi.

Qarorga muvofiq, chorva mollarini sug‘urtalash tartibi ishlab chiqiladi.

Samarqand veterinariya meditsina institutining Toshkent filiali tashkil etiladi.

Go‘sht va sut narxi barqarorligini ta'minlash maqsadida har bir tumanda kamida ikkitadan quyidagilar tashkil etiladi:

  • qoramollarni bo‘rdoqiga boqishga ixtisoslashgan korxonalar;
  • sut yo‘nalishidagi korxonalar.

Qaror bilan 2019-2021-yillarda chorva mollari soni, go‘sht va sut ishlab chiqarishni oshirish bo‘yicha prognoz ko‘rsatkichlari tasdiqlandi.

Mazkur ko‘rsatikichlarga muvofiq respublikada 2021-yilga kelib 13 ming 825 bosh chorva mollari, 3 mln 646 ming 300 tonna go‘sht hamda 11 mln 882 ming 500 tonna sut ishlab chiqarish rejalashtirilmoqda.

O‘xshash yangiliklar

Belgilangan matnni tinglash uchun quyidagi tugmani bosing Powered by GSpeech