27 Iyun 2019

00:00:00 (GMT+5)

Toshkent +28,4 °C

Mamlakatimizda
10 Iyun  2019 375

Alkogol va tamaki bozorini tartibga solish inspeksiyasi to‘g‘risidagi nizom tasdiqlandi

Alkogol va tamaki bozorini samarali tartibga solishni ta'minlash chora-tadbirlari to‘g‘risidagi Hukumat qarori qabul qilindi (2019 yil 8 iyun, 474-son).

Qaror bilan Moliya vazirligi huzuridagi Alkogol va tamaki bozorini tartibga solish inspeksiyasi to‘g‘risidagi nizom tasdiqlandi.

Mazkur nizomga ko‘ra, Alkogol va tamaki bozorini tartibga solish inspeksiyasi iste'mol va texnik etil spirti, alkogol va tamaki mahsulotlarini ishlab chiqarish, shuningdek, alkogol mahsulotlarining ulgurji savdosi bo‘yicha faoliyatni litsenziyalash, litsenziya talablariga amal qilinishini nazorat qilish kabi vazifalarni amalga oshiradi. Inspeksiya boshlig‘i Moliya vazirining taqdimnomasiga binoan Hukumat tomonidan tayinlanadi.

Qaror bilan shuningdek, Inspeksiyaning byudjetdan tashqari jamg‘armasi to‘g‘risidagi hamda Iste'mol etil spirtini alkogol va boshqa mahsulotlar ishlab chiqaruvchilar o‘rtasida taqsimlash tartibi to‘g‘risidagi nizomlar tasdiqlandi.

Bunda, Jamg‘arma mablag‘lari Inspeksiyaning moddiy-texnik bazasini mustahkamlash, xodimlarni moddiy rag‘batlantirish kabi maqsadlar uchun yo‘naltiriladi.

O‘xshash yangiliklar

Belgilangan matnni tinglash uchun quyidagi tugmani bosing Powered by GSpeech