USD = 8069.29 SUM   EUR = 9403.14 SUM
Toshkent
Booked.net - Hotel reservations
+28°C

Ipak yo‘lida turizm ko‘rgazmasi Germaniya nigohida

Nashr qilingan sana: 25 10 2017

Germaniyaning “Touristik Aktuell” haftalik ixtisoslashgan jurnali sahifalarida Xivada bo‘lib o‘tgan Xalqaro turizmning rivojida Ipak yolining tasiri mavzusidagi konferensiya yakunlariga bagishlangan maqola chop etildi, deb xabar beradi Jahon” axborot agentligi.

Unda Jahon sayyohlik tashkiloti va Jahon banki ko‘magida tashkil etilgan ushbu tadbirda ko‘plab yetakchi xalqaro olimlar va ekspertlar qatnashgani aytiladi. Maqola muallifi Yurgen Baltes ta’kidlaganidek, qadimgi savdo yo‘lining qayta tiklanishi savdo-iqtisoiy aloqalar va sayyohlikning rivojlanishiga xizmat qiladi. Shu bilan birga YuNVTO va boshqa nufuzli tashkilotlar nafaqat tarixiy-madaniy va tabiiy merosni o‘rganish hamda avaylab-asrashga, balki qulay ijtimoiy-iqtisodiy sharoitlarni yaratishga ham alohida e’tibor qaratishayotgani qayd etiladi.

Nemis mutaxassisining yozishicha, O‘zbekiston o‘z tarixiy shaharlari bilan Markaziy Osiyoning yuragi sanaladi. Mamlakat rahbariyati turizmni muvaffaqiyatli rivojlantirish bo‘yicha barcha sa’y-harakatlarni ishga solmoqda va bu aholi farovonligining o‘sishida ham o‘z aksini topmoqda. Joriy yilning oktabr oyi boshida mazkur tashkilotning ishtirokida “Ipak yo‘lida turizm” deb nomlangan XXIII Toshkent xalqaro turizm yarmarkasi muvaffaqiyatli bo‘lib o‘tganini ta’kidlaydi.  

Olmon tilidagi jurnalning maqolasida, shuningdek, Toshkentda bo‘lib o‘tadigan yirik tadbirlar haqida ham ma’lumotlar keltirilgan. Xususan, “Mining World Uzbekistan” XII tog‘-kon ishi va uskunalar xalqaro ko‘rgazmasi hamda “UzAgroExpo-2017” XIII xalqaro qishloq xo‘jalik ko‘rgazmasi haqida xabar beriladi.

Ko'rishlar soni

220