USD = 8146,38 SUM   EUR = 9965,47 SUM
Toshkent
Booked.net - Hotel reservations
+28°C

Tibbiy oliy o'quv yurtlarida bakalavriat yo'nalishidagi maqsadli qabul ortishi rejalashtirilgan

Nashr qilingan sana: 03 01 2018

2018-yil bakalavriat ta`lim yo'nalishida maqsadli qabul kvotalari 20 foizga ortishi kutilmoqda. Bu haqda Sog'likni saqlash vaziri Alisher Shodmonovning «O'zbekiston sog'liqni saqlash tizimi: 2017-yil sarhisobi, 2018-yil rejasi» deb nomlangan hisobotida aytib o'tilgan.


Poyoniga etayotgan yilda tibbiy ta`lim tizimida ham katta o'zgarishlar yuz berdi. Tibbiy ta`lim bo'yicha eng muhim hodisa, o'qish muddatlarining qisqartirilgani bo'ldi. Shuningdek, kasbiy fanlar bloki kengaytirilib, ijtimoiy-iqtisodiy fanlar bloki 7 foizgacha qisqartirildi, klinikagacha va klinikaga oid fanlar uchun soatlar hajmi 85 foizgacha ko'paytirildi. Prezidentimizning qaroriga muvofiq, 2017/2018 o'quv yilidan boshlab birinchi marta maqsadli qabul yo'lga qo'yildi va 2017 yilda tibbbiyot oliy o'quv yurtlariga maqsadli qabul uchun 1 ming 180 o'rin ajratildi.

2018-yilda bakalavriat ta`lim yo'nalishining maqsadli qabul kvotasini 2017 yilga nisbatan 20 foiz oshirish, maqsadli magistraturani 10 foiz ko'paytirish, klinik ordinatura qabul kvotasini 15 foiz oshirish belgilandi.

2017 yil Investitsiya dasturiga ko'ra 27,6 mlrd so'm mablag' evaziga Toshkent pediatriya tibbiyot institutining simulyatsiya markazi va klinikasida, Toshkent pediatriya tibbiyot instituti Nukus filialining120 o'rinli, Andijon davlat tibbiyot institutining120 o'rinli, Buxoro davlat tibbiyot institutining200 o'rinli, Toshkent tibbiyot akademiyasi Urganch filialining 100 o'rinli jami 540 o'rinli klinikalarda qurilish, rekonstruktsiya va kapital ta`mirlash ishlari amalga oshirilmoqda.

2018 yil Investitsiya dasturi doirasida Toshkent pediatriya tibbiyot institutining simulyatsiya markazi, mazkur institut Nukus filialining 120 o'rinli, Andijon davlat tibbiyot institutining 120 o'rinli, Buxoro davlat tibbiyot institutining 200 o'rinli klinikalarida qurilish va rekonstruktsiya ishlarini davom ettirish uchun 31,8 mlrd. so'm mablag' ajratilishi rejalashtirilgan.

 

Ko'rishlar soni

155