USD = 8069.29 SUM   EUR = 9403.14 SUM
Toshkent
Booked.net - Hotel reservations
+28°C

O‘zbekiston Prezidenti Sankt-Peterburg gubernatorini qabul qildi

Nashr qilingan sana: 09 11 2017

O‘zbekiston Respublikasi Prezidenti Shavkat Mirziyoyev 8-noyabr kuni mamlakatimizga amaliy tashrif bilan kelgan Sankt-Peterburg shahri gubernatori Georgiy Poltavchenkoni qabul qildi.

Davlatimiz rahbari mehmonni qutlar ekan, joriy yilda bo‘lib o‘tgan oliy darajadagi samarali uchrashuvlar va ularning yakunlari bo‘yicha erishilgan kelishuvlar, jumladan, aprel oyida imzolangan ikki mamlakat mintaqalari o‘rtasida hamkorlik to‘g‘risida hukumatlararo bitim O‘zbekiston Respublikasi hududlari va Rossiya Federatsiyasi subyektlarining amaliy hamkorligini, avvalo, savdo-iqtisodiy va madaniy-gumanitar sohalardagi aloqalarni faollashtirishga xizmat qilganini mamnuniyat bilan qayd etdi.

Uchrashuvda O‘zbekiston va Sankt-Peterburg shahri o‘rtasidagi an’anaviy yaqin va o‘zaro manfaatli munosabatlarni yanada kengaytirish va mustahkamlash masalalari ko‘rib chiqildi.

O‘zaro savdo hajmini oshirish va yetakchi korxonalar o‘rtasida kooperatsiyani kengaytirish uchun mavjud salohiyatdan samarali foydalanish zarurligi qayd etildi.

Sog‘liqni saqlash, ta’lim va turizm sohalarida qo‘shma dastur va loyihalarni amalga oshirishga alohida e’tibor qaratildi.

Sankt-Peterburg shahri gubernatori Georgiy Poltavchenko Prezidentimiz Shavkat Mirziyoyevga samimiy qabul uchun chuqur minnatdorlik bildirdi. O‘zbekiston bilan ustuvor yo‘nalishlarda keng ko‘lamli hamkorlikni rivojlantirishdan manfaatdor ekanini ta’kidladi, deyiladi O‘zA xabarida.

Ko'rishlar soni

126