USD = 8069.29 SUM   EUR = 9403.14 SUM
Toshkent
Booked.net - Hotel reservations
+28°C

Abdulla Aripov Dmitriy Medvedev bilan uchrashdi

Nashr qilingan sana: 03 11 2017

Toshkentdagi Simpoziumlar saroyida 2-noyabr kuni mamlakatimizga rasmiy tashrif bilan kelgan Rossiya Federatsiyasi Hukumati raisi Dmitriy Medvedev boshchiligidagi delegatsiya bilan uchrashuv bo‘lib o‘tdi.  

O‘zbekiston Respublikasi Bosh vaziri A.Aripov va Rossiya Federatsiyasi Hukumati raisi D.Medvedev O‘zbekiston bilan Rossiya o‘rtasidagi ko‘p qirrali munosabatlar o‘zaro hurmat va ishonch ruhida izchil rivojlanib borayotgani, ikki davlat rahbarlarining uchrashuvlarida erishilgan kelishuvlar bunda muhim huquqiy asos bo‘lib xizmat qilayotganini alohida ta’kidladi. 

Uchrashuvda O‘zbekiston bilan Rossiya o‘rtasidagi savdo-iqtisodiy aloqalar, ayniqsa, qishloq xo‘jaligi, oziq-ovqat mahsulotlari yetkazib berish, sanoat kooperatsiyasi sohalarida jadallashgani qayd etildi. 

Ikki mamlakat hukumatlari rasmiy delegatsiyalari ishtirokidagi kengaytirilgan muzokaralarda O‘zbekiston bilan Rossiya o‘rtasidagi hamkorlikni yanada rivojlantirish masalalari muhokama qilindi. 

Tadbir yakunida O‘zbekiston Respublikasi va Rossiya Federatsiyasi hukumatlari, vazirlik va kompaniyalari o‘rtasida o‘ndan ziyod hujjat imzolandi. Jumladan, neftni qayta ishlash, bank-moliya, investitsiya, savdo, sanoat, avtomobilsozlik, ilm-fan, tashqi migratsiya va boshqa sohalardagi hamkorlikni yanada rivojlantirishga doir qator memorandum va bitimlar qabul qilindi. 

Ko'rishlar soni

302