20 Сентябрь 2019

00:00:00 (GMT+5)

Тошкент +29,6 °C

Кейинги авлод
26 Авг  2019 282

Президент мактабларига кира олмаган номзодлар ихтисослаштирилган мактабларга қабул қилинади

Ўзбекистон Республикаси Халқ таълими вазирлиги ва Вазирлар Маҳкамаси ҳузуридаги Давлат тест марказининг қўшма қарори билан Президент мактабларининг асосий имтиҳонларида иштирок этган, юқори балл йиғиб, ўқишга қабул қилинмаган номзодларни имтиҳонсиз, қўшимча квота асосида қабул қилувчи ихтисослаштирилган таълим муассасалари рўйхатини тасдиқлади, деб хабар беради Халқ таълими вазирлиги матбуот хизмати.

Қўшма қарор билан тасдиқланган рўйхатга Қорақалпоғистон Республикасида 11 та, Наманган вилоятида 20 та, Хоразм вилоятида 20 та ва Тошкент шаҳрида 14 та ихтисослаштирилган мактаблар киритилган.

Мазкур мактабларда Президент мактабларининг 5- ва 7-синфида ўқиш истагини билдирган ва асосий имтиҳонларда 25-ўриндан бошлаб, энг юқори натижа кўрсатган ўқувчилар баллар кетма-кетлигида, қўшимча квота асосида ўрнатилган тартибда ихтисослаштирилган таълим муассасаларига қабул қилинади.

Ихтисослаштирилган таълим муассасалари қўшимча квота асосида 1100 нафар ўқувчини 5-синфга ва 525 нафарини 7-синфга ўқишга қабул қилади.

Ота-оналар ихтисослаштирилган таълим муассасаларига ҳужжатларни расмийлаштириш учун ҳудудий халқ таълими бошқармалари ҳамда туман (шаҳар) халқ таълими бўлимларига мурожаат этишлари мумкин. Шу билан бирга мактаб вакиллари ҳам ота-оналар билан боғланади.

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech