14 Ноябрь 2019

00:00:00 (GMT+5)

Тошкент +13,1 °C

Ҳарбий
30 Окт  2019 392

Марказий ҳарбий округида ёш ҳарбий хизматчилар махсус машғулотларни бажармоқда

29 октябрь куни Марказий ҳарбий округида жойлашган Жиззах вилоятидаги ҳарбий қисмларнинг бирида ёш ҳарбий хизматчилар билан уч кунлик намунадаги махсус амалиёт машғулотларига старт берилди, деб хабар қилади Марказий ҳарбий округ матбуот хизмати.

Дастлаб, бўлинма таркибида белгиланган ҳудудни ўрганиш, тоғ ва чўл ҳудудида ҳаракатланиш тактикаси ҳамда ноқулай оби-ҳаво шароитида жанговар вазифани бажариш бўйича кўргазмали машғулот ташкил этилди.

Шундан сўнг, бўлинма жанговар тайёргарликнинг янгича усул ва услубларини ўзида жамлаган ва 15-20 та элементлардан иборат махсус мажмуавий тўсиқлар йўлагидан ўтди.

Шунингдек, ҳарбий техникалардан машқлар бажарилди. Жанговар иккилик ва учлик билан яқин масофада жанг олиб бориш усуллари реал шароитларга яқин тарзда бажарилди.

Ҳарбий округдаги ҳарбий қисм командири ва уларнинг ўринбосарлари намунадаги мазкур машғулотларни кузатиб боришмоқда. Келгусида бўлинмалардаги ҳарбий хизматчиларни руҳий ва жисмоний сифатларини янада шакллантириш бўйича жанговар тайёргарлик усуллари ва махсус йўлак элементлари бошқа ҳарбий қисмларда ҳам ташкил этилиши кўзда тутилган.

 

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech