14 Oktyabr 2019

00:00:00 (GMT+5)

Toshkent +13 °C

Mamlakatimizda
19 Mart  2019 1443

Transport vositalarini sug‘urta qilishda bir qator qulayliklar yaratiladi

Transport vositalari egalarining fuqarolik javobgarligini majburiy sug‘urta qilishni yanada takomillashtirish chora-tadbirlari to‘g‘risidagi Hukumat qarori (222-son, 19.03.2019 y.) qabul qilindi.

 

Qarorga ko‘ra transport egasining fuqarolik javobgarligini majburiy sug‘urta qilish bo‘yicha onlayn yagona axborot tizimi joriy etiladi. Bu haqda “Huquqiy axborot” kanali xabar qilmoqda.

Majburiy sug‘urta bo‘yicha yangi namunadagi sug‘urta polislari amalga kiritiladi. Ilgari berilgan sug‘urta polislari amal qilish muddati tugaguncha o‘z kuchini saqlab qoladi.

Majburiy sug‘urta qilish bo‘yicha sug‘urta puli oshirilib, 40 mln. so‘m miqdorda belgilandi. Ya'ni, yo‘l-transport hodisasi natijasida yetkazilgan zarar uchun to‘lanadigan sug‘urta tovoni shu summadan oshmaydi. Ilgari bu summa 12 mln. so‘mni tashkil qilgan.

Sug‘urta qildirish uchun ishonchnoma yoxud ushbu transportga egalik huquqini tasdiqlovchi boshqa hujjatni taqdim etish bo‘yicha talab ham bekor qilindi.

Shuningdek, zarur ma'lumotlar yagona axborot tizimida mavjud bo‘lganida sug‘urtalovchi hujjatlarni (pasport, transport vositasining texnik pasporti, haydovchilik guvohnomalarini) talab qilmasdan sug‘urta qilishi mumkin.

Mazkur qaror 3 oydan keyin kuchga kiradi.

O‘xshash yangiliklar

Belgilangan matnni tinglash uchun quyidagi tugmani bosing Powered by GSpeech