21 Sentyabr 2019

00:00:00 (GMT+5)

Toshkent +29,6 °C

Xalqaro munosabatlar
27 Mart  2019 1873
O‘zbekiston Respublikasi Prezidentining matbuot xizmati

Shavkat Mirziyoyev “Masdar City” texnoparki bilan tanishdi

Oʻzbekiston Respublikasi Prezidenti Shavkat Mirziyoyev “Masdar City” texnoparkiga tashrif buyurdi.

“Masdar City” zamonaviy texnologiyalar va muhandislik yutuqlari asosida bunyod etilgan innovatsion shaharchadir. 600 gektarni egallagan texnopark ekologik toza hudud hisoblanib, bu yerda faqatgina muqobil energiya – quyosh batareyalari va fotoelektr qurilmalaridan foydalaniladi. Hududga avtomobillar kirishi taqiqlangan. Manzillarga haydovchisiz boshqariladigan elektr transportlarida boriladi.

Tashrif chogʻida texnoparkning oʻziga xos jihatlari haqida soʻzlab berildi. Aytib oʻtilganidek, bu yerda innovatsion ishlanmalar yaratish, ulardan turli sohalarda foydalanish uchun zarur ilmiy-ijodiy muhit yaratilgan. Koʻchalarda moʻtadil iqlimni taʼminlab turadigan ventilyatorlar, favvora va havzalar barpo qilingan.

Shavkat Mirziyoyev quyosh panellari ishlab chiqarish boʻyicha ilmiy izlanishlar olib boriladigan laboratoriya faoliyati bilan tanishdi. Bunday maskanlar fan-texnika yutuqlaridan unumli foydalangan holda insoniyatning atrof-muhitga taʼsirini kamaytirish, mamlakatlar oʻrtasida ilmiy hamkorlikni mustahkamlashda muhim oʻrin tutishi qayd etildi.Davlatimiz rahbari Xalifa universitetida mazkur sohada ilmiy izlanish olib borayotgan oʻzbekistonlik talaba qiz bilan suhbatlashdi. Bu yerda olgan bilim va tajribalarini mamlakatimizda tatbiq etib, yurtimizda muqobil energetikani rivojlantirishga hissa qoʻshish muhimligini taʼkidladi.

Davlatimiz rahbari Xalifa universitetida mazkur sohada ilmiy izlanish olib borayotgan oʻzbekistonlik talaba qiz bilan suhbatlashdi. Bu yerda olgan bilim va tajribalarini mamlakatimizda tatbiq etib, yurtimizda muqobil energetikani rivojlantirishga hissa qoʻshish muhimligini taʼkidladi.

O‘xshash yangiliklar

Belgilangan matnni tinglash uchun quyidagi tugmani bosing Powered by GSpeech