21 Oktyabr 2019

00:00:00 (GMT+5)

Toshkent +15,6 °C

Mamlakatimizda
7 Oktyabr  2019 650

Respublika ixtisoslashtirilgan narkologiya ilmiy-amaliy tibbiyot markazi tashkil etildi

O‘zbekiston Respublikasi aholisiga narkologik yordam ko‘rsatish tizimini takomillashtirish chora-tadbirlari to‘g‘risidagi Hukumat qarori qabul qilindi (03.10.2019 y.). Bu haqda “Huquqiy axborot” kanali xabar qiladi.

Qaror bilan Respublika narkologiya markazi negizida Respublika ixtisoslashtirilgan narkologiya ilmiy-amaliy tibbiyot markazi tashkil etildi.

Narkologik kasalliklarning oldini olish, ularga tashxis qo‘yish va ularni davolashni tashkil etish tizimini takomillashtirish, narkologiya xizmati muassasalarining faoliyatiga tashkiliy-uslubiy rahbarlik qilish Markazning asosiy vazifalaridan biri hisoblanadi.

Qarorga ko‘ra, jamoat joylarida mast holatda bo‘lgan shaxslar, agar ularga tibbiy yordam ko‘rsatish zarur bo‘lgan holatlarda (alkogoldan og‘ir zaharlanish holatlari bundan mustasno),  Qoraqalpog‘iston Respublikasi Respublika narkologiya dispanseri, viloyatlar va Toshkent shahar narkologiya dispanserlari huzuridagi tibbiy yordam ko‘rsatish punktlariga olib kelinishi kerak.

Qaror bilan 2019–2022-yillarda O‘zbekiston Respublikasi narkologiya xizmatini yanada rivojlantirish chora-tadbirlari dasturi tasdiqlandi.

Dasturga muvofiq, jami 710 o‘rinli 8 ta ob'ekt qurilishi, 300 o‘rinli 3 ta ob'ekt rekonstruksiya qilinishi hamda 312 o‘rinli 3 ta ob'ekt kapital ta'mirlanishi belgilandi.

O‘xshash yangiliklar

Belgilangan matnni tinglash uchun quyidagi tugmani bosing Powered by GSpeech